Rusizi yakiriye ibirori byo kwizihiza umunsi wa Afurika wahariwe ifunguro rihabwa abanyeshuri ku ishuri

Ku wa 6 Werurwe 2026, Akarere ka Rusizi kakiriye ibirori byo kwizihiza ku nshuro ya 11 Africa Day of School Feeding, umunsi wihariye wo kugaragaza akamaro ka gahunda yo gutanga ifunguro ku banyeshuri ku mashuri mu guteza imbere ubuzima, uburezi n’imibereho myiza yabo.

Uyu munsi wizihijwe hagamijwe kwibutsa uruhare runini ifunguro rihabwa abanyeshuri ku ishuri rigira mu kubafasha kwiga neza, kongera imbaraga mu ishuri no kugabanya ikibazo cy’imirire mibi ishobora kubagiraho ingaruka.

aho ku rwego rw’Igihugu wizihirijwe ku Ishuri rya GS Saint Paul Muko mu Murenge wa Bugarama w'AKarere ka Rusizi, ku nsanganyamatsiko igira iti: "Ifunguro ku ishuri Inkingi y’uburezi”. Hagaragajwe uruhare rukomeye rwa gahunda yo kugaburira abanyeshuri ku ishuri mu guteza imbere ubuzima bw’abanyeshuri, kongera uko bitabira ishuri, no kuzamura imyigire n’imitsindire yabo. Ni ibirori byitabiriwe n’abayobozi batandukanye mu nzego za Leta barimo Guverineri w’Intara y’Iburengerazuba, Ntibitura Jean Bosco, abayobozi muri Minisiteri y'Ubutegetsi bw'Igihugu (MINALOC), iy'Uburezi (MINEDUC), Umuyobozi w’Akarere ka Rusizi, Sindayiheba Phanuel ndetse n'abayobozi bw'Ingabo, Polisi, Dasso.
“Gutanga amahirwe yo kubona ifunguro rifite intungamubiri, amazi meza n’isuku: guteza imbere umutekano n’ubudahangarwa muri buri ishoramari rikorwa mu mafunguro ahabwa abanyeshuri ku ishuri.”

Iyi nsanganyamatsiko igaragaza ko hakenewe gushyira imbaraga mu gutuma buri mwana ubona ifunguro rifite intungamubiri ku ishuri, akabona amazi meza ndetse n’isuku ihagije, mu rwego rwo kurushaho guteza imbere ubuzima bwe no kumufasha kwiga neza.

Ibirori byitabiriwe n’abayobozi batandukanye, abashinzwe uburezi, abafatanyabikorwa mu guteza imbere gahunda yo kugaburira abanyeshuri ku ishuri ndetse n’abaturage. Bose bagaragaje ko iyi gahunda ifite uruhare rukomeye mu guteza imbere uburezi n’imibereho myiza y’abana.

Gahunda yo kugaburira abanyeshuri ku ishuri ikomeje gufatwa nk’imwe mu ngamba zifasha kuzamura ireme ry’uburezi no gufasha abana kwiga bafite ubuzima bwiza, bityo bagakurana ubushobozi bwo kubaka ejo hazaza heza.

IMIHIGONEWS.RW