Rwanda: NIDA itangiza kwemeza imyirondoro y’abaturage ku ndangamuntu koranabuhanga

Igikorwa cyo kubarura indangamuntu y'ikorabuhanga mu RWANDA

Ku wa 7 Gashyantare 2026, Ikigo cy’Igihugu gishinzwe Indangamuntu (NIDA) cyatangije mu Mujyi wa Kigali ibikorwa byo kwemeza imyirondoro no gufotora abaturage, hagamijwe gutanga Indangamuntu koranabuhanga, aho serivisi zizakorerwa buri murenge mu minsi itatu bitewe n’imiterere y’amasite ahari.
Iki gikorwa kimaze gutangizwa mu turere dutandatu, kikaba cyakomereje mu Mujyi wa Kigali, aho biteganyijwe ko kizamara ibyumweru birindwi. Buri murenge uzajya uhabwa amasite yihariye yo gufotoreraho abaturage, mu rwego rwo korohereza serivisi no gukumira imbogamizi abaturage bahura na zo, zirimo kubura igihe cyo kuzakoresha mu minsi y’akazi.

     Umuyobozi Nshingwabikorwa w'Akarere ka Kicukiro, Mutsinzi Antoine, ari mu bifotoje ku  munsi wa mbere muri Kigali

Imiterere y’akazi mu turere twa Kigali
Nyarugenge: Mirenge ya Nyakabanda, Rwezamenyo na Gitega (amasite 17)
Gasabo: Mirenge ya Kimihurura na Kacyiru (amasite 14)
Kicukiro: Mirenge ya Niboyi, Kagarama na Kicukiro (amasite 12)

Serivisi zizakomeza gutangwa no ku wa Gatandatu no ku Cyumweru, kugira ngo ababyeyi bafite akazi bashobore kumwegera abana babo cyangwa kwitabira serivisi mu minsi batabonetse.

 Ibisabwa n’uburyo bwo kwemeza imyirondoro

Uzuza form mbere yo gufotorwa 

Abaturage bazajya bifashisha nimero y’indangamuntu y’ababyeyi cyangwa y’umugabo/mugore bakorana mu kwemeza imyirondoro. NIDA yashyizeho uburyo bworoshye bwo kwemeza amakuru hakoreshejwe telefoni cyangwa mudasobwa binyuze ku rubuga rwa Irembo. Uko umuntu azajya kuri site yegereye aho afotorerwa, serivisi izakorerwa mu minota itarenze 10.

Indangamuntu Korabuhanga

Indangamuntu izahabwa:

• Abanyarwanda bose, kuva umwana avutse kugera ku mukuru
• Abanyamahanga batuye mu Rwanda
• Impunzi n’abasaba ubuhungiro
• Abimukira n’abadafite ubwenegihugu

Izaba ifite ikarita isanzwe, QR Code ku buryo umuntu yayigendana kuri telefoni cyangwa mudasobwa, ndetse nimero ya ‘token’ itandukanye na nimero isanzwe y’indangamuntu.

Ibi biratandukanye n’uburyo busanzwe kuko ntibizakomeza kuba ngombwa ko umuntu agendana indangamuntu mu gihe asaba serivisi.

Imyirondoro y’abana n’iy’imyaka

• Ku bana b’imyaka 0–5: bazahabwa indangamuntu ifoto gusa
• Ku bana bafite imyaka 5 kuzamura: bazatanga ibimenyetso by’imboni, intoki n’isura

Uyu mushinga watangiye mu 2023, ni agace k’umushinga mugari u Rwanda rufatanyijemo na Banki y’Isi, washowemo agera kuri miliyari 200 Frw. Biteganyijwe ko indangamuntu koranabuhanga izatangira gutangwa muri Nyakanga 2026 kandi ubu u Rwanda rumaze kugera muri kimwe cya kane cy’ishyirwa mu bikorwa ry’uyu mushinga.

Kwemeza imyirondoro ku ndangamuntu koranabuhanga mu Mujyi wa Kigali ni intambwe ikomeye mu gutanga serivisi zihuse, kurushaho korohereza abaturage, no gukumira imbogamizi z’abasanzwe bakenera serivisi. Ubu buryo bushya bw’ikoranabuhanga buzafasha abanyarwanda, abanyamahanga n’abimukira mu Rwanda kubona indangamuntu byihuse kandi mu buryo bwizewe, bikazamura ireme rya serivisi z’uru rwego.

IMIHIGO NEWS