Kigali: KSP Rwanda yatangaje urutonde ntakuka rw’abanyeshuri bazitabira Défense iteganyijwe ku wa 23 Ukuboza 2025

Ishuri ry’imyuga n’amahugurwa yigihe gito rya KSP Rwanda Training Center, riherereye mu Mujyi wa Kigali, ryatangaje urutonde ntakuka rw’abanyeshuri bemerewe gukora Défense y’imishinga isoza amasomo yabo, iteganyijwe ku wa Kabiri tariki ya 23 Ukuboza 2025, nyuma yo gusuzuma no kugenzura portfolio zabo, hagamijwe gupima ubumenyi ngiro n’ubushobozi bwabo mu masomo biga

Nk’uko byatangajwe n’ubuyobozi bwa KSP Rwanda Training Center Bwana UWIMANA Saleh, n’iki gikorwa cya Défense kigamije gusuzuma no kwemeza ireme ry’imishinga yakozwe n’abanyeshuri barangije amasomo yabo, binyuze mu kumurika no gusobanura portfolio zabo imbere ya komisiyo yabugenewe. Défense iri mu nzira zemewe ishuri rikoresha mu gusuzuma uko abanyeshuri biteguye kwinjira ku isoko ry’umurimo.

Ubuyobozi bwa KSP Rwanda bwatangaje ko abanyeshuri bemerewe gukora Défense batoranyijwe nyuma yo gusuzuma portfolio zabo no kureba niba zujuje ibisabwa n’amabwiriza y’ishuri. Aba banyeshuri biga mu byiciro bitandukanye by’amasomo arimo Gukora filimi no kuzitunganya (Filmmaking and Video Production), Gufotora no Gutunga ibyapa….(Photography and Graphic Design), Multimedia Production, CCTV Camera Installation, n’andi masomo ajyanye n’itangazamakuru, amafoto, amashusho n’ikoranabuhanga

Foto Website: KSP RWANDA STUDENTS

Biteganyijwe ko Défense izabera ku biro by’ishuri, aho abanyeshuri bazasabwa kuba bahari saa tatu za mu gitondo, buri munyeshuri agahabwa iminota itanu (5) yo kwerekana no gusobanura umushinga we.

Ubuyobozi bw’ishuri bwibukije ko nta munyeshuri wemerewe kwerekana umushinga utari uwe bwite cyangwa uw’abandi, kuko bifatwa nko kwigana igihangano cy’abandi. Mu gihe byagaragara ko hari uwarenze kuri iri tegeko, icyemezo (certificate) cye gishobora guteshwa agaciro.

Bwongeyeho ko abanyeshuri batibona ku rutonde basabwa kwegera ibiro by’ishuri kugira ngo basobanurirwe impamvu batemerewe gukora Défense no kureba ibikiri gukosorwa basuye urubuga rw’ishuri www.ksp.rw.

Ubuyobozi bwa KSP Rwanda Training Center burasaba abanyeshuri bose bemerewe kwitabira Défense kubahiriza amabwiriza n’igihe cyagenwe, kugira ngo iki gikorwa kigende neza kandi gitange umusaruro witezwe mu gutegura abanyeshuri bafite ubumenyi ngiro n’ubunyamwuga bushobora kubafasha kwinjira ku isoko ry’umurimo mu nzego zitandukanye.

ITANGAZO RYA BURUSU ITANGA KSP RWANDA

URUTONDE RW'ABEMEREWE GUKORA DEFENSE

https://mis.ksp.rw/uploads/announcements/ksp_rwanda_announcement_69493fc25aedf2.82041212.pdf

IMIHIGO NEWS