Uganda: Museveni ayoboye amatora y’umukuru w’igihugu ku majwi menshi, ibibazo by’umutekano bikomeje

Kampala, Uganda – Mu gihe hasigaye amasaha make ngo Komisiyo y’Amatora muri Uganda itangaze ibyavuye mu matora y’umukuru w’igihugu, imibare iri kugaragaza ko Perezida Yoweri Kaguta Museveni ari kuyobora abandi bakandida ku kinyuranyo gikomeye.

Ku wa 15 Mutarama 2026, Abanya-Uganda barenga miliyoni 21 bitabiriye amatora y’umukuru w’igihugu ndetse n’ay’abagize Inteko Ishinga Amategeko. Imibare ya mbere yagaragajwe mu ijoro ry’umugoroba wa none yerekana ko Museveni w’Ishyaka National Resistance Movement (NRM) afite amajwi 73,72%, akurikirwa na Robert Kyagulanyi w’ishyaka NUP ufite 22,66%. Umwanya wa gatatu wari uw’umukandida Nathan Nandala Mafabi (FDC) ufite 1,89%, naho Mugisha Muntu ari ku mwanya wa kane afite 0,53%. Andi makandida ane yose afite amajwi munsi ya 1%.

Muri rusange, umubare w’abatoye wari 9.524.709, bingana na 43,9% by’abemerewe gutora. Museveni amaze gutorwa n’abarenga miliyoni 6, mu gihe Kyagulanyi yegukanye amajwi arenga miliyoni 2. Ibiro by’itora byari 50.739, naho ibimaze kubarurwa bingana na 69,95% byabyo, ni ukuvuga ibiro 30.138.

Ugereranyije n’amatora ya 2021, Museveni yatsinze ku majwi 58,38%, naho Kyagulanyi ku 35,08%, bigaragaza ko Museveni yateye imbere ku buryo bukomeye mu majwi yegukana.

Mbere na nyuma y’amatora, Polisi n’Igisirikare bya Uganda byashyize imbaraga mu gukaza umutekano muri Kampala n’indi mijyi, hagamijwe gukumira akavuyo. Nubwo ibi byagenze neza, abantu nibura 12 bamaze kumenyekana ko bapfuye mu mvururu zabaye hirya no hino, harimo abaterwaga n’ibisasu cyangwa basanzwe bashyigikiye umukandida Muhammed Muwanga Kivambi. Hari n’abandi batanu bapfiriye mu Karere ka Luwero, mu gihe ibindi bikorwa by’urugomo byabaye mu bice bitandukanye aho abashyigikiye Bobi Wine batwitse ibiro by’ishyaka rya Museveni.

ACP Kituuma Rusoke

Polisi yemeza ko nta muntu urafungwa ndetse na Bobi Wine, n’ubwo byari bivugwa ku mbuga nkoranyambaga ko urugo rwe rwagoswe n’inzego z’umutekano. Umuvugizi wa Polisi, ACP Kituuma Rusoke, yavuze ko urugo rwa Bobi Wine rufunze ariko nta muntu urabuza abantu kwinjira cyangwa gusohoka. Yakomeje ashimangira ko ibikorwa by’urugomo bidakwiriye kwihanganirwa kandi ko abaturage bashobora gukora ubucuruzi no kugenda mu muhanda nta nkomyi.

Ambasade ya Amerika muri Uganda yategetse abanya-Amerika bari muri iki gihugu kwirinda kujya mu kivunge cy’abantu no gukora ingendo zitari ngombwa kubera amakuru y’uko imyuka iryana mu maso ishobora gukoreshwa mu kuburizamo imyivumbagatanyo.

Robert Kyagulanyi, uzwi ku mbuga nkoranyambaga nka Bobi Wine, yatangaje ko inzego z’umutekano zagose urugo rwe nyuma yo gutora ariko we aracyari mu rugo rwe kandi atabwa muri yombi. Umuhungu we, Solomon Kampala, yavuze ko Bobi Wine yabashije gucika ubwo urugo rwabo rwagoswe n’abapolice, ariko umugore we akomeje gufungirwa mu rugo I we.

Imihigo News