Claudette Irere Yitabiriye Inama yo Kunoza Uburezi Bukuru mu Karere k’Iburasirazuba bwa Afurika

Minisitiri w’Uburezi mu Rwanda yitabiriye inama y’abafatanyabikorwa ku burezi bukuru mu karere ka Afurika y’iburasirazuba, igamije guteza imbere umwanya uhuriza hamwe amasomo yo mu mashuri makuru na kaminuza mu bihugu byo mu karere.

Kuri iki gitondo cyo kuri uyu wa mbere, Claudette Irere yitabiriye inama y’abafatanyabikorwa ku burezi bukuru mu karere k’Iburasirazuba bwa Afurika, ryabereye i Kigali, rigamije gusobanurira abayobozi b’amashuri makuru, abafatanyabikorwa n’abashinzwe politiki y’uburezi uburyo bwo gukorana mu rwego rw’uburezi no gushyira mu bikorwa intego yo guhuza amasomo n’ubumenyi mu bihugu by’Akarere k’Iburasirazuba.

Inama yabaye ku bufatanye na Inter-University Council for East Africa (IUCEA), ikaba yarahuye abayobozi b’amashuri makuru, abashinzwe politiki ndetse n’abandi bafatanyabikorwa mu rwego rwo gukomeza imikoranire y’ibihugu by’Akarere k’Iburasirazuba mu burezi Bukuru na kaminuza.

Uyu muhuro w’iminsi ibiri wibanze ku gusobanura uburyo bwo gushyira mu bikorwa gahunda y’akarere igamije gutegura uburezi bukuru buhuza ibisabwa mu bihugu byose, harimo guhuza integanyanyigisho, impamyabumenyi no koroshya kwimurira abanyeshuri hagati y’ibihugu.

Minisitiri Claudette Irere yagaragaje ko iyi gahunda izafasha kongera ireme ry’uburezi bukuru mu Rwanda no mu karere, ndetse no guteza imbere ubushobozi bw’abanyeshuri kugira ngo bubashe guhangana ku isoko ry’umurimo mu karere k’Iburasirazuba.

Ibyo iri huriro rizaba ryigaho:

Guhuza amahame n’intego z’uburezi bukuru mu bihugu bigize EAC, Gukora igenamigambi rihuriweho ku mashuri makuru n’amasomo yigishirizwa mu karere

Gushyiraho uburyo bwo kugenzura no gukurikirana ireme ry’uburezi mu bihugu byose, Korohereza abanyeshuri kwimukira cyangwa kwiga mu bihugu by’Akarere nta nkomyi

Abayobozi bagaragaje ko iyi gahunda izongera amahirwe yo guhanga udushya, kwagura ubumenyi mu mashuri makuru, no guteza imbere politiki zihamye mu burezi, bityo bikazafasha abanyeshuri n’abigisha kuzamura ubumenyi n’ubushobozi bwabo ku rwego rw’akarere.

IUCEA ni ikigo gihuza amashuri makuru yo mu bihugu 6 bigize EAC, kigamije guteza imbere uburezi bukuru bufite ireme, gusangira ubunararibonye no gukurikirana ibipimo mpuzamahanga by’uburezi.

Kigali, 9 Werurwe 2026 – IMIHIGONEWS.RW