Rwanda: Bruce Melodie, umuhanzi uri mu bayoboye umuziki nyarwanda

Bruce Melody (Itahiwacu bruce) Munyakazi

Itahiwacu Bruce uzwi nka Bruce Melodie ni umwe mu bahanzi bafite izina rikomeye mu Rwanda, wamamaye mu ndirimbo za R&B, AfroPop na Afrobeat.

Bruce Melodie, amazina ye nyakuri yitwa Itahiwacu Bruce, ni umwe mu bahanzi nyarwanda bagezweho mu muziki. Uyu muhanzi wamamaye mu njyana za R&B, AfroPop na Afrobeat, yamenyekanye cyane nyuma yo gutsindira irushanwa rya Primus Guma Guma Super Star ku nshuro ya munani.

Bruce Melodie yavukiye mu Rwanda mu karere ka Rwamagana ku wa 3 Werurwe 1992. Mu myaka irenga icumi amaze mu muziki, yabashije kwigaragaza nk’umwe mu bahanzi bayoboye umuziki nyarwanda, binyuze mu ndirimbo zakunzwe cyane ndetse n’ibitaramo yakoreye mu Rwanda no mu mahanga. Umuhanzi 

Bruce Melodie wazamuwe bwa mbere akagaragazwa n'abatunganya indirimbo (producers) batandukanye, ariko uwakunze kugaragazwa cyane nk'uwamufashije gutangira akamenyekana ni Producer Fazzo (Fazzo Big-Production). 

Fazzo ni we wakoze indirimbo ye ya mbere yitwa "Tubivemo" yasohotse mu mwaka wa 2012, ikaba ari na yo yatumye benshi bamenya ijwi rya Bruce Melodie bwa mbere. Usibye Fazzo, Bruce Melodie yagiye afatwa mu ntoki n'abandi bantu batandukanye mu rugendo rwe:

Ubuzima bwe bwite n’amashuri yize: Itahiwacu Bruce yavukiye mu muryango nyarwanda usanzwe. Yakuriye i Kigali aho yanize amashuri abanza n’ayisumbuye. N’ubwo yakundaga cyane muzika kuva akiri muto, yakomeje amashuri ye kugeza asoje icyiciro cy’ayisumbuye mbere yo kwinjira mu muziki nk’umwuga.

Mu buzima bwe bwite, Bruce Melodie ni umugabo wubatse urugo. Yashakanye na Kabera Clementine, bakaba bafitanye abana. Umuryango we uvugwaho kuba umwe mu bimuha imbaraga zo gukomeza gukora muzika no gutera imbere.

Izina Bruce Melodie ryatangiye kumenyekana cyane mu Rwanda nyuma yo kwitabira irushanwa rya Primus Guma Guma Super Star aho yaje kuryegukana, ibintu byamushyize mu bahanzi bakomeye mu gihugu.

Yakoze indirimbo nyinshi zakunzwe cyane zirimo Katerina, When She's Around yakoranye na Shaggy, ndetse na Munyakazi.

Yanakoranye n’abahanzi mpuzamahanga barimo Diamond Platnumz ku ndirimbo “Pom Pom” ndetse na Joeboy ku ndirimbo “Beauty on Fire”.

Bruce Melodie ni na we muhanzi wa mbere wo mu Rwanda wigeze gutaramira kuri Coke Studio Africa, ibintu byamufashije ku  mu menyekanisha ku rwego mpuzamahanga.

Usibye muzika, Bruce Melodie ni n’umushoramari. Yashinze inzu itunganya muzika, Igitangaza Music, kandi akorana n’inzu ya 1:55 AM icungwa na Coach Gael.

Afite kandi ishoramari mu mikino aho ari umwe mu bafatanyabikorwa ba UGB Basketball Club, ndetse no mu itangazamakuru aho afitanye isano na ISIBO Radio TV.

Yabaye kandi ambasaderi w’ibirango bitandukanye birimo BK Arena, Primus, Infinix na TECNO.

Mu kwezi kwa Werurwe 2026, Bruce Melodie yujuje imyaka 34 y’amavuko. Yanatangaje ko ateganya kuzenguruka ibihugu bitandukanye mu bitaramo bya “Summer Country Tour” azahuriramo n’undi muhanzi ukomeye mu Rwanda The Ben.

Uyu munsi, Bruce Melodie afatwa nk’umwe mu bahanzi bayoboye umuziki mu Rwanda no mu karere. Urugendo rwe rugaragaza ko impano, akazi gakomeye n’ubufatanye n’abandi bahanzi bishobora kugeza umuhanzi ku rwego mpuzamahanga.

 IMIHIGONEWS.RW