Abavukana bubaka Umumararungu Plaza mu Runda, agaciro ka miliyoni 500 Frw

Inyubako izafasha ibikorwa by’umuryango Tree of Hope and Joy washinzwe na Umumararungu Marie Louise witabye Imana mu 2025,

Murenge wa Runda, Kamonyi – Abavandimwe Twizeyimana Zappa Seraphin na Twizeyimana Mika Cherubin biyemeje kubaka inyubako y’ubucuruzi yitwa Umumararungu Plaza, ku cyubahiro cy’umubyeyi wabo, Umumararungu Marie Louise, wapfuye mu Mutarama 2025. Inyubako ifite agaciro ka miliyoni 500 Frw izashyigikira ibikorwa by’umuryango washinzwe n’umubyeyi wabo, Tree of Hope and Joy, ufasha abana, abakuru n’abakobwa mu myuga itandukanye.

Twizeyimana Zappa Seraphin yagize ati:
"Umumararungu Plaza yatekerejweho mu rwego rwo guha icyubahiro Umumararungu Marie Louise, umugore wagaragaje indangagaciro z’ubwitange, umurava n’urukundo ku muryango we no ku muryango mugari."

Umumararungu Marie Louise yari umubyeyi w’intangarugero mu Rwanda. Mu mwaka wa 2020, yashinze umuryango Tree of Hope and Joy, wagiye ufasha abana barenga 100 mu kwishyurira ishuri, abasaza n’abakecuru mu mirenge yabo, ndetse n’abakobwa bakiri bato mu myuga itandukanye harimo ubudozi n’ibindi.

Twizeyimana Mika Cherubin yavuze ko inyubako itari iy’ubucuruzi gusa ahubwo ari ikimenyetso cy’umurage w’umubyeyi wabo:
"Kuba yubatswe ni mu rwego rwo guha icyubahiro Umumararungu Marie Louise, bigaragaza indangagaciro ndetse no gukomeza kumwibuka mu rukundo yagiraga."

Inzu y'ubucuruzi

Kubaka Umumararungu Plaza ni uburyo bwo gukomeza umurage we no gushyira ibikorwa by’uyu muryango ku murongo uhamye. Inyubako biteganyijwe ko izarangira ku itariki ya 26 Mutarama 2027, ku munsi umwe n’itariki umubyeyi wabo yapfuye mu 2025. Amafaranga azava muri iyi nyubako azajya ashyigikira ibikorwa by’umuryango Tree of Hope and Joy, bigatuma umurage w’umubyeyi ukomeza kubaho no gufasha abaturage.

 

Izatwara akayabo k'amafaranga anagana na miliyoni 500 Frw

IMIHIGO NEWS